काठमाडौँ । ‘आ बाट आमा २’ असोज ३० गतेबाट प्रदर्शनमा आउने भएको छ ।
दसैँको फूलपातीका दिनदेखि देशव्यापी तथा विदेशमा पनि फिल्म प्रदर्शन गर्न लागिएको हो । निर्माण युनिटले वितरकसँगको छलफलमा फिल्मको रिलिज मिति दसैँमा फाइनल भएको जनाएको छ ।
आर्य इन्टरटेन्मेन्टको ब्यानरमा निर्माण भएको फिल्मको रिलिज मितिसँगै क्रोएसिया प्रदर्शन अधिकार (राइट्स) बिक्री भएको छ। क्रोएसियाका लागि ‘नेप इन्टरटेन्मेन्ट’ र जाग्रेबस्थित ‘बुद्ध मार्ट’ ले अधिकार खरिद गरेको हो ।
फिल्म अब विदेशमा क्रोएसियासँगै अमेरिका, क्यानडा र जापान पनि लाग्नेछ । चन्द्र पन्तको निर्माण निर्देशन रहेको फिल्म आर्य पन्तको प्रस्तुतिमा बनेको हो । फिल्ममा पल शाह, बिपना थापा, आकाश श्रेष्ठ, प्रदीप रावत (गजनीका भिलेन), मलिका महत, रिश्ता गुरुङ, निकिता आचार्य, सविन श्रेष्ठ, साइग्रेस पोखरेल, गजित विष्ट,दिलिप अखेडा र नरेन खड्का लगायतका चर्चित कलाकारको अभिनय छ ।
सम्बन्धित खवर
